Det er kjempeflott at elevar deltek i samfunnsdebatten, og eg vil gjerne komme med nokre svar.

Eg bruker sjølv nynorsk. I verste fall kan det resultere i at nokon ikkje gidd å lese teksten min. Det er i seg sjølv eitt svar på spørsmålet om kva vi skal med nynorsk.

Dei som bruker nynorsk, skal også kunne delta i samfunnsdebatten på lik linje med dei som bruker bokmål. Vi har to valfrie, offisielle skriftspråk, og då skal ingen bli diskriminert på bakgrunn av målforma ein vel å bruke.

Herman skriv om «nynorsk-faget». Nynorsk er ikkje eit eige fag. Bokmål, nynorsk, dialekter, språkhistorie, litteratur, sjangerlære, tekstforming og mykje meir er delar av norskfaget, også kalla morsmålsfaget.

Dei som har nynorsk som hovudmål, kallar då heller ikkje sidemålsdelen for «bokmålsfaget». Nettopp fordi vi har to offisielle norske, samfunnsberande skriftspråk, som er vedtekne ved lov sidan 1885, er det naturleg at ein skal lære å bruke begge.

Når Herman ramsar opp verb- og substantivbøying som hardt arbeid, kan det kanskje vitne om at det har vore så som så med grunnleggjande grammatikk generelt fram til no.

I staden for å klage på sjølve nynorsken kunne ein kanskje heller klage på at ein ikkje har fått god nok opplæring i skolen fram til no.

Det er interessant at også matematikk blir trekt inn i argumentasjonen. Ein les aldri hos dei som argumenterer mot nynorsk, at dei meiner delar av matematikken er vanskeleg eller unødvendig, og at ein aldri får bruk for det.

Og mens nynorskkarakteren blir sett på som eit problem, ser det ikkje ut til å vere noko problem at ein må ha minst fire i matte for å kunne komme inn på til dømes lærarutdanninga.

Det er kjent at mange elevar ikkje skjønner korfor ein skal ha nynorsk. Men det er ikkje nødvendigvis nynorsken sin feil.

Det kan også ha å gjere med at lærarane ikkje alltid har klart å formidle alle aspekta ved å ha to norske skriftspråk. Ein kunne kanskje prøve å utfordre læraren sin i staden for å be om at nynorsken forsvinn.

Det er elles ei misoppfatning at det berre er ein liten del i Noreg som «snakkar nynorsk». Nynorsk og bokmål er normerte skriftspråk og ikkje talespråk. Normert tyder at nokre få menneske har blitt einige om korleis «alle» skal bøye og skrive.

I utgangspunktet vil det då vere svært få som snakkar skriftspråk. Men fordi det finst dei som trur at skriftspråk er meir korrekt enn talespråk, vil det alltid vere nokon som «normaliserer» mot skriftspråket.

Ut frå språkhistorisk terminologi snakkar «alle» nynorsk i dag, sidan nynorsk er språksteget etter gammalnorsk og mellomnorsk. Men (ny-)norsk har altså to normerte skriftformer.

Klikk for kommentarer
Hva synes du? Du må bruke ditt eget navn hvis du skal delta i debatten. Hold en saklig og respektfull tone og husk at mange kan lese det du skriver. Brudd på disse reglene kan føre til at du blir utestengt fra forumet.
Facebook-kommentarer:

HA-redaksjonen overvåker denne debatten kontinuerlig mellom kl 08 og 22. På natten er det stengt for kommentering.

Vi fjerner automatisk kommentarer med obskøne ord, definert av våre moderatorer. Innlegg som rapporteres som misbruk eller spam blir vurdert av Facebooks moderatorer, og skjules automatisk for den som rapporterer.


Dersom du bryter våre debattregler, kan vi gjøre følgende:
  • Slette kommentaren din
  • Utestenge deg

Vi har ikke redaktøransvar for kommentarer som er fjernet fra offentligheten, og som kun er synlige for din private og lukkede vennekrets. Vi gjør imidlertid oppmerksom på at du som skriver et innlegg vil være personlig ansvarlig for innholdet enten dette fremsettes på våre nettsider eller overfor ditt eget lukkede nettverk med Facebook-venner. Våre journalister og moderatorer vil ikke begrunne verken fjerning av kommentarer eller utestengning av profiler, utover at det skyldes enten brudd på retningslinjene for moderering slik de fremkommer i toppen av alle kommentarfelt, eller avsløring av falske profiler.